Zell - OpenQuer
| 18. June 2005 |
Z`erschte richtige Open Air i däm Jahr. Huere geil, u das ersch no bi däm
Wätter! Mir hei üs scho churz nachem Mittag bim Bus troffe, wüu mer scho
am späte Namitag uf dr Bühni si gsi. Aber das isch nid witers tragisch gsi,
ussert dases eifach schweine heiss isch gsi!!!
Es het gheise, es sig de guet beschilderet ab dr Usfahrt Dagmarselle -
chasch dänke… Aber nichts desto trotz hei mir üs für einisch NID VERFAHRE!!!
Bitte umne chline, aber heftige Applous:-)
Womer si acho hei scho aui Stagehands (das si die wo häufe uslade u
umeschleppe – a dere Steu mau es riise merci a aui Stagehands uf dere
Wäut!!!) nume so druf gwartet dass si hei dörfe schaffe…:-) u so isch o
sehr rasch aues usglade gsi!
När heimer no chli chönne umehange u dr Sunnetag gniesse, bis mer äntlech
hei uf d`Bühni dörfe! U das isch ja immer e sehr spezieue Momänt, vor auem
we ume Rolf nach zwöi Wuche Ferie hingerem Schlagzüg hocket… chaners
ächt no? Kennter d`Songs ächt no? U.s.w Frage über Frage, wo dä
Summertag zu däm hei gmacht, waser gsi isch!!! 
Nei ke Seich – NATÜRLECH HETERS NO CHÖNNE!!!!
Wo simer blibe stah… ah ja, uf dr Bühni! Geil isches gsi! Cooli Lüt, cooli
Stimmig u das amne so huere heisse Tag – das isch ächt e leischtig!!!
Danke viu mau, so fägts!
Ja, was wottme no gross säge derzue. Es het keni Unfäu gä, niemer het
sech verfahre, u ds Ässe nachem Gig isch o guet gsi. Auso eigentlech e
ganz normale Tag, gschmückt mit Musig, guet düre brate u mit viu Liebi
agrichtet. Jawohl, chöit mer o Phli(osof) säge:-)
Muess höre, ha z`heiss……..:-)
