Winterthur - Salzhaus
| 8. April 2005 |
Support Sina
Am haubi zwöi hei mir üs bim Tourbus einisch meh troffe, zum anes
Konzärt ufbräche. Es isch e schweinisch chaute Tag gsi, für dases ja scho gli
Summer isch 
Aber nichts desto trotz simer frohen Mutes richtig Winterthur tuckerlet,
womer du o mit es paar Minüteli verspätig si itroffe (ja, o ds Winterthur
chame sich verfahre…).
Das isch aber nid witers schlimm gsi, wüu d`Sina immer no am Soundcheck
isch gsi, u mir eh no es paar Minute hei müesse warte. I somne Momänt gits
nume eis – sofort e Kafi uftribe u no chli dr d`Zyt gniesse…
När isches los gange. „Schibä, chasch du schnäu mitem Bus häre fahre zum
uslade?“ Aber sicher doch, isch ja ke Sach… denkste. Nix mit Rückwärtsgang.
Janu, für öpis het me ja Bandmitglider, wo sech nüt sehnlicher wünsche, aus
e Vollbeladene Tourbus chli umezstosse…J Mir hei emu o das gschafft…
Womer usglade u dr Sound Checket hei gha, simer sofort id Chuchi gstürmt,
wüu üs so e Stimm usem Jensitz het zuegflüschteret es gäb dert öpis
z`ässe… Mhhhh, erschtens het die Stimm rächt gha, u zwöitens isches fein gsi
wie sibe. So e richtigi Sterchig für e Uftritt.
Dä allerdings isch dasmau nume 40 Minute gange (jaja, für das fahre mir uf
Winti…;-)) Aber isi, es het genau glich gfägt wine Moore… Nachem Gig schnäu
troche alege, zämeruume u ilade… stressig, aber im Ändeffekt isch me doch
froh, we aus ume im Bus isch. När simer sofort ad Bar gstoche, schliesslech
hei mer doch müesse e Logeplatz sichere für ds Sina Konzärt… Guet, mir si ja
scho froh gsi, isch das es Zytli gange, wüu süsch hätte mer no vor Bar wäg
müesse…;-)
Fazit: Braucht dein Tourbus eine Kur, war er bestimmt in Winterthur..:-)
