Utzenstorf - Mehrzweckhalle - Rock in the City
| 25. November 2005 |
Yess, nachere chline Pouse heimer äntlech wider chönne ufd Bühni ga
Dampf ablah… u das ersch no fasch i üsere Umgäbig.
Mir hei üs auso am späte Namitag bim Tourbus troffe, für richtig
Utzenstorf abztuckerle… u das bim erschte Schnee vo däm Jahr! Läng
isch die Fahrt nid gsi, u das isch o grad gäbig gsi. Vorauem wüu mer
am nächschte Tag im Rheintal es Konzärt ufem Programm gha hei.
So isch me emu zure gäbige Zyt ume dahei im Bett… jaja, dir gseht,
mir wärde langsam aut u seriös…;-)
Womer si acho heimer afang mau e Ougeschyn gno vo dere
Mehrzwäckhalle. Ah hoppla, da passe grad chli Lütlis dri… Zum Glück
hets ir Mitti vom Ruum no es paar Bare gha…:-) O hie heimer wider
zügig af auslade u ufsteue. Wüu wie schnäuer das geit, desto meh Zyt
het me när no vorem Konzärt mit Frou, Ching u Hung z`telefoniere…:-)
Guet, genau a däm Gig isch dr Soundcheck äuä so lang gsi, wie no nie,
aber das o nume, wüu mer no drü nöii (auso nid ganz neu…) Lieder
ids Programm hei ufgnoh… u irgendwenn muess me die ja öppe ono
chli Spile, süsch tönts de us jedem Egge chli angers. Aber mir heis
zimlech schnäu ume druf gha – es het emu jede bim gliche Song
agfange u o wider ufghört…:-)
När simer ga ässe. U das diräkt im Backstage – das isch no Service.
Nüm use ad cheuti… geil:-) U när no die erwähnte Telefongspräch,
bevor mer äntlech uf d`Bühni hei chönne. Use u gib ihm… Es isch mer
da sit langem mau wider ufgfaue wie dürmischt ds Publikum eigentlech
isch…Auti, Jungi, schöni u no schöneri hei sich gmeinsam e Wettkampf
gliferet, wär itz am lütischte cha möge:-) so muesses doch si!!!
Nachem Konzärt heimer schleunigscht abgruumt, u när ab ids Näscht.
Mir hei ja gwüsst, dass süsch dr nächscht Tag zimlech hert wird…
Fazit: Bim erschte Schnee scho chaut ha, das liebi Lüt isch aextra…
oder so:-)
