Thun - Musikpark - Rocknacht
| 30. September 2005 |
Mau wider dahei, mau wider z`thun. Dir wüsst ja öppe fang
was das heisst: nid wit outofahre, nid früe abfahre…und,
und, und… U so isches o a däm Fritig gsi. Mir si au so chli
zytlech verstreut im Musik Park itroffe, u hei dr Fritig
Nami/Abe la usplampe… Dr erscht Fixpunkt ufem Plan isch
ersch am nüni gsi, ds Znachtässe…:-) immer wider schön!
Mhhhh, so feini Lachsbrötli u Kaviar…. Nei ke seich, das
hät äuä ke einzige o nume annähernd gärn gha…:-)
Feine Härdöpfustock, Fleisch u Gmüess… när heimer auso so
vor üs häre gmampfet, u irgendwenn het d`Salome dä Alass
eröffnet.
Es isch när witer gange mit QL [nid kuh äl! – kuul!!!] und
em Fernando von Arb. Es isch auso no es Zytli gange bis mir
am haubi eis hei dörfe d`bühni stürme, u losrocke. Es isch
so richtig geil gsi, nachem Thunfescht wider dahei z`spile.
Danke au dene, wo am Mänti immerno genau so müed si gsi wie
ig:-). Aber i muess scho säge, es het sich meh aus glohnt.
E super Stimmig, u vor auem e huufe lachendi Gsichter im
Publikum! Das isch u blibt eifach dr gröscht Lohn fürne
Musiker!!! Merciiiiii
Was natürlech ono sepzieu isch gsi, isch d`Tatsach, dasmer
eigentlech diräkt ar Bar hei gspiut. Es git sicher groooosi
Berüemtheite, wo das o so wette ha….:-) söue si doch o mau
uf Thun cho…:-). Aber äbe, so schön wie`s o isch gsi, isch
haut o mau dr Momänt cho, wo üsi Setlischte isch em Ändi
zue gange, u mir ds Fäud ume hei gruumt.
Mir hei när no schnäu zäme gruumt u si aschliessend zum
gsellige Teil über gange;-)
Fazit: Thun Rockt, sogar ar Bar… 
