Thun - Mokka Tourabschluss
| 28. December 2005 |
Zum 2. Mau uf dere Tour – zum 4. Mau insgesammt: aextra im
legendäre, unverwächselbare, superspezielle Mokka ds Thuuuuun…
hmmmm, das isch öppe no e Afang..:-)
Isch aber scho chli es komisches Gfüel gsi, we so ds letschte Konzärt
uf dere Tour vor dr Tür steit….derbi simer doch ersch grad im Mokka
gsi, u hei üsi CD touft…
Tja, so schnäu vergeit d`Zyt…
Gäge abe hei mir üs im Mokka troffe für zum letschte mau fürnes
Zytli dr Bus uszlade, ufzsteue u ds Soundchecke…:-( Aber schnäu
isch das komische Gfüel verschwunde gsi, wüu mir hei ja no grad e
chli öpis ztüe gha, u ke Zyt zum gross nachedänke:-) Wo dr
Soundcheck isch düre gsi, heimer chönne e Stockwärk hocher ir
Garderobe ga ässe. U da chame nume eis säge: so guet wie im Mokka
isst me i kem Club! Merci Pädu & Co.!!! Grandios! Ja, när no chli
umehöckle, Family & Fründe begrüesse, Batterie wächsle, Bühneklamotte
alege u när hopp dr Bäse!!!
Nach dr Obligate Asprach vom MC Anliker simer zum letschte mau
uf dere Tour uf di heissgeliebti Bühni gstürmt.
U vom erschte Song a het`s eifach nume gfägt, u isch
eifach nume geil gsi. Es isch mer so wiene zämefassig vo de schönschte
Momänte uf dere Tour ine cho. Eifach hammermässig… Ja, was söu
me da no säge… schad isches verbi, viu meh chunt da nüm:-)
Nach widerum knapp 2 Stung simer schweren Herzens ab dr Bühni
gwatschlet u richtig Garderobe pilgeret.
Dert heimer wider afang mau es Glas Wasser ufgmacht, u agstosse.
När simer häre ghocket u no es Zytli blibe hocke…;-) Mir hei chli über
di vergangeni Tour diskutiert, gwitzlet u viu glachet. So isch nomau
jede Bühnesturz vom Schibä, jedi unabsichtlechi Chopfnuss wo dr Ändu
em Kusi het verpasst düregno worde.
Oder die Gschicht wo Kusi het..l^hj-p ppmiwe …ou itz isch grad d`Taschtatur kabutt gange..aspüâdsfhwoeoihmnlsdi….;-)
Bis gli, mir fröie üs uf öich Gruzzzzz THE (das ghört ja hüt zu jedem
Bandname) aextra
