Schwarzenburg - Open Air
| 29. July 2005 |
Oder ganz eifach: Tour de Suisse by aextra
Freitag, 29. Juli: Schwarzenburg Open-Air
Samstag, 30. Juli: Spiez, Seenachtfest
Sonntag, 31. Juli: Uesslingen Open-Air
Montag, 1. August: Gruyère, Live Radiosendung DRS1
Es isch eifach e mega Marathon gsi a däm Wucheänd. Sozäge e Tour de Suisse. U wüu mer nume einisch si kabutt gsi vo däm Weekend, fassemer ds Tourtagebuech o grad zäme…
Fritig, 1. Etappe:
Agfange het ds Ganze am Fritig. Da hei mer no nid so wit müesse fahre, u drum hei mir üs o ersch am späte Namitag bim Bus troffe, für när richtig Schwarzeburgerland z`pilgere. Entsprächend pünktlech simer o am Verastautigsort acho, u das isch de auso scho rächt säute:-)
Mir hei nachere churze abchüelig und em obligate Lagecheck afa uslade, u üsi sibe Sächeli hinger dr Bühni afa ufboue. I stuune jedesmau, wie schnäu das afang geit… hie mau es riise MERCI a Pädu – das isch dr charmant Herr mit der Frisur wo jedi Schwigermueter i d`Flucht tribt…:-)
Wo dr erscht Teil vor Arbeit isch erlediget gsi, heimer chönne ga ässe. Mhhhh, fein isches gsi… bis uf d`Melone im Salat…:-) aber über das chame wäg luege!
Womer o mitem umehocke hei Fyrabe gmacht, isch dr Momänt vor zwöite Etappe cho – dr Uftritt. Womer si acho hets no nid würkli viu Lüt gha, aber womer uf d`Bühni si, isch z`Zäut (jaja, es isch es sogenants Open-Air Zäut gsi….) fasch voll gsi. I weiss nid öbs am Sturm isch gläge wo verusse het gwüetet, aber isch ja glich. Uf jede Fau isch`s e Uftritt vor …
