Aextra

Gäge Mittag simer wider los gfahre, dasmau richtig Nunningen. Yess, es
Open Air!!! Nume hets leider grägnet, allerdings mit Ussicht uf bessers
Wätter. Womer hei usglade heimer aues müess i Zäut verstoue, dass au die
Grät u Instrumänt nid nass wärde. Aber womer Soundcheck hei gmacht hets
langsam afa uf tue, u womer gspiut hei, isch z`schönschte Summerwätter gsi.
Het ächt das e Zämehang, aextra u schön Wätter? Mir nämes itz mau a:-)
Uf jede fau het sich o z`Nunningen e rächti Hitz afa breit mache, u sünnele
heimer ono chönne uf dr Bühni!!!

Aber bevor mer hei chönne afa Spile heimer natürlech o wider e Soundcheck
müesse mache. Da isch eigentlech aues guet gange, ussert das plötzlech uf
Kusi sire Site isch e Wasserfall ache cho, wo sini Gitarre het wöue düschele.
Aber mir hei no grad rächtzytig chönne reagiere, u d`Gitarrene u si Verstercher
i sicherheit bringe.
Da heimer auso no mau schwein gha!

Wüu ds ganze Programm scho chli im Verzug isch gsi, heimer grad diräkt nachem
Soundcheck afa spile. U das nume es Stündli, wie das a de meischte Open Airs
üblech isch. Aber die Stung het glängt, für e cooli Open Air Stimmig häre
z`zoubere. Übrigens isch das Open Air nid extrem gross, u so hets e extrem
coole Charme, wo aui mau sötte ga inezieh, wo no nie si dert gsi!!! Es isch
nämlech no gäbig, we eim nid ständig eine uf de Füess ume steit:-)

Ja, u scho gli isches verbi gsi. Sone Stung geit schnäuer ume aus me sech
das mängisch wünscht, aber es isch glich ganz es cools Konzärt gsi, ire
schöne Kulisse!!! U übrigens: dir heit o guet usgseh!!!:-)

Fazit: Heiss, schön, übersichtlch – Das isch ds Open Air Nunningen!!!

Dieser Beitrag wurde vor am Tuesday, 23. September 2008 um 09:08 Uhr veröffentlicht und unter Tour gespeichert. Sie können Kommentare zu diesem Eintrag über den RSS-2.0-Feed verfolgen. Sie können einen Kommentar hinterlassen oder einen Trackback von Ihrer Website hierher setzen.