Liestal - Modus
| 11. June 2005 |
Es konzärt vor ganz spezieue Sorte, nume für das grad mau vorwäg z`näh!
U zwar hei mir hingerem Schlagzüg für einisch nid dr Rolf gha, sondern dr
Flavio. Wieso? Rolf isch eifach abghoue id Ferie… jaja, brun wärde,
schirmlidrinks…
Aber item, es isch ja nomau aues guet gange:-) Mir hei üs am 15.30 Uhr
bim Bus in Thun troffe, u si richtig Baselland grollt. Isch zum glück nid
sooo extrem wit gsi, drum simer o mit nume grad ere 15 min verspätig
bim Modus z`Liestal acho…:-)
U weme scho z`spät chunt, geits eim natürlech grad sofort ads
igmachte – mit angere Wort: Tschou zäme, lademer grad us?
Z`ufsteue isch dasmau chli chaotisch über d`Bühni, aber es het niemer
so genau gwüsst wieso:-). Isch ja o nid so schlimm, wes mau chli länger
geit.
Aber mir hei emu o dr Soundcheck mühelos hingernis bracht, u hei, wo
aues gstumme het, scho gli chönne ga z`Nacht ässe. Yesss, keni
Spaghetti:-) sondern Ris Casimir (schribt me das eso? I gloubes fasch…).
U när isch z`Warte ufe uftritt am eufi ume los gange. Aber mit gnue
Gsprächsstoff, Kafi u angere Flüssigkeite geit o die Zyt schnäu verbi,
u scho gli heimer nach dr Vorgruppe „Cloudride“ chönne uf d`Bühni
stürme.
Momou, i muess scho säge, i ha die Basler nid fautsch i erinnerig gha
vo denn, womer im Z7 hei gspiut! Die möge öpe no Pary mache!
Dir gloubet das nid? Momou, i has teschtet: we 90 Lüt im Modus
glich lut töne wie 45`000 im Letzigrund (guet, i gibes zue, isch äuä
chli übertribe, aber es isch auso nach häre cho) isch das doch scho e
leischtig!!!
Uf jede Fau het o dr Flavio hinger sire Chuchi zimlech viu Stress gha,
aber i muess säge: Chapeau, geile Job gsi. Är het nämlech knappi
zwöi Wuche zyt gha, für aui üsi Songs z`lehre! Geile Siech!
Im Ändeffekt chame gloub mit guetem Gwüsse säge: geili Sach gsi
z`Basel o we si dert chli komisch rede (1. Het dä ja müesse cho, u 2. Säge
si z`gliche über üs o…:-))
Bis zum nächschte Weekend mitere nöie usgab „aextra Live“ uf de Kanäl
OpenQuer und HochYbrig!!! CU
