Lenk - 500 Jahre Lenk - Open Air
| 3. September 2005 |
Simmental wir kommen… so töif simer no nie i mim Geburtstal gsi…;-)
Dämendsprächend heimer üs natürlech o gfröit, mau wider es neus
Eggeli vor Schwyz unsicher z`mache… Mir hei nid sooo früe müesse dert
si, u drum simer o ersch am späte Namitag richtig Lenk kurvet. U aui die
wo ds Simmental kenne, wüsse wiviu Kurve dases dert het – eigentlech
nume eini, aber gaaaanz e Längi….:-)
Es isch nid Lang gange, het Kusi gmäudet, är sött de no schnäu are
Tankstell mit Kiosk ahaute… Kusi, im Simmental??? Tankstell: Ja,
Kiosk: Ja, Tankstell mit Kiosk: Nöööööööööö:-) i gibes ja zue, mir
heine chli müesse tröschte, aber i gloube, es geit ihm scho wider viiiu besser…:-)
So, ke Seich… mir si auso Kurvet! U irgendwenn isch ufemne blaue Schiud
gstange: Lenk… yesss, mir si acho, bevors eim isch schlächt worde!
Ja gäu, z`Thun kennt me das nume vor Bucht…:-)
Äbe, mir si acho. U wie immer heimer afang mau z`Gländ afa unger
d`Lupe näh… hmmm, für einisch isches nid ds Gländ gsi, sondern eher
z`Gländer! Hei doch die Fründe ir Lenk e Tribühni ufgsteut… u zwüsche
Bühni u Tribühni öpe 15 Meter abstang… schöööön. Aber was wosch,
Gring ache u seckle!
Mir hei dasmau wider ke Soundcheck gmacht, u si zimlech gli mau ids
Hotel ga ässe. Nid soo übu, sone haubi Chue ufem heisse Stei…
mhhhhhh, fein isches gsi!
Nachem ässe heimer üs langsam mau wider ufe Wäg richtig Gländ(er)
gmacht… När isch aus eigentlech zimlech schnäu gange!
Uspacke, ufsteue, spile… (auso aues musikalisch!). Es isch scho chli
schreg gsi so wit wäg z`si vom Publikum, aber eine heimer no geng
improvisiert..:-). Me cha ja o ufere Tribühni singe…
Nachem Konzärt heimer eigentlech sofort zäme gruumt, u si när EIS
ga näh…
Fazit: Proscht!!!
