Krauchthal - Hornusserfest
| 19. August 2005 |
Es isch mau wider eine vo dene Täg gsi, wome am liebschte hätt dahei
es Bad gno… Räge, Räge u nomau Räge. Aber das isch ja für d`aextras
bekanntlech ke Grund, dahei z`blibe…:-) Mir hei üs auso gäge abe ufe
Wäg gmacht i Richtig Krauchthal. Zum Glück isch das nid so wit vo Thun
entfernt, wüu so im Powerräge Outofahre macht ja nid so spass…
U usserdäm hei mir dr ganz Wäg ghoffet, dass das Konzärt nid Open-Air
isch, sondern imne Feschtzäut. U so isches o gsi! Da heimer nomau
schwein gha…:-) Mir si auso acho, u hei mitem Bus o grad chönne ids
äut bis vor d`Bühni fahre. Das isch extrem gäbig, weme üsi Sächeli nid
so wit muess trage, wüu me wird ja o nid immer jünger…:-)
Es si aui da gsi, ussert Kusi, dä isch amne Hochzyt gsi (nenei, nid sis
eigete!!!), u isch aextra für ds Konzärt häre cho, u när grad ume gschobe
zum ga witer fyre…so söttmes ha…:-) Mir hei dasmau ufe Soundcheck
verzichtet, u hei eifach e Linecheck churz vorem Konzärt gmacht.
Äbefaus nid derbi isch dasmau üse Ruedi gsi, dä isch scho z`Gampel am
bügle gsi. Derfür isch dr Chrigu cho. E ganz geile Siech, wo immer zu
absüüre z`ha isch…:-) (e chline insider am Rand…).
Uf jede Fau hei mir unger dene spezielle Bedingige üses Konzärt gstartet,
u hei scho gli e rächte trübu Lüt vor der Bühni gha, wo tatchräftig het
mitgmacht. U so hei mir vo dene spezeille Bedingige gar nüt mitbecho!
So fägts…
Aber wies haut so geit, we grad e Party im Gang isch, chunt immer eine u
macht fyrabe… das isch i üsem Fall aber ke Person, sondern eifach dr
letscht Song uf dr Setlischte gsi… dä Siech!!! …:-) Glücklech, müed u scho
chli närvös füre nächscht Tag z`Gampel simer vor Bühni u hei abgruumt.
Normalerwis nämer öpe are Bar no es Fyrabebierli. Z`Krauchthal heimer
dadruf müesse verzichte, wüu mer am nächschte Tag früe wider i richtig
Wallis hei müesse ufbräche…
mir si auso zimlech diräkt nachem Konzärt i richtig Thun zrügg düset, u
uf diräktem Wäg i di horizontali Lag über gange… schnarch…
Fazit: Es verrägnets Konzärt im trochene…. Oder so…:-)
