Brienz - Traufferhalle
| 16. April 2005 |
Mir si ja no aui chli Müed gsi vom „Züri lat mi nid id Ferie“ Fieber.
Aber glich simer unger strömendem Räge uf Brienz tuckerlet.
Aber das isch gar nid so schlimm gsi, wüu ja vo Thun bis Brienz zimlech viu dür
Tunnel fahrsch – das aber nume so am Rand…
Äbe, mir si irgendwenn mau acho. U denn si d`Herre vo Mayday
(das heisst ihri Handlanger) scho flissig am ufsteue gsi. Si si ja o die
einzige gsi, wo a däm Gig hei e Soundcheck gmacht.
Das isch o schön gsi, so hei mir chli Zyt gha, für mit au dene Techniker-Giele
vo Livesound (übrigens aues geili Sieche u eifach die beschte…!!!),
womer ja scho chli lenger kenne, chli z`plöiderle. Aber wie das so isch,
geit d`Zyt wie im Flug verbi, u Rolf faht ume a mit sire Schlagzüger-Bronchitis…
läck mir tönt das chrank, aber i gloub das hei Schlagzüger so asech…:-)
Nei nid houe Rolf….autsch neeeeeeeiiiiiii
Isch ja glich… mir hei uf jede Fau wider mau chönne d`Bühni i beschlag nä,
u Gas gä. Das isch ja e geile Gig gsi… würkli geil (scho chli hert für au die,
wone verpasst hei….hihihi ätsch – nenei, mir wei itz nid dräckig tue).
Aber wies so isch geit d`Zyt uf dr Bühni immer viu z`schnäu verbi….
Nachem Gig sofort Platz mache, wägruume, troche alege, Bier trinke….
Bis zum nächschte mau:-)
