Adelboden - Alte Taverne
| 27. November 2005 |
E chaute Wintertag isches gsi, dä 27. Dezember 05. Aber das het üs
natürlech nid abghaute dervo, uf Adelbode z`tuckerle für z`erscht
mau ir Gschicht vo aextra die legendäri Alti Taverne ds rocke.
Am Namitag hei mir üs bim Proberuum troffe, füre Bus izlade, wüu
die ganze Sache ueche trage wär de doch zuviel des Guten gsi…:-)
Aber wüu mir scho chli üebig hei bim ilade, isch das relativ schnäu
gange, u mir hei üs chönne ufe Wäg mache richtig Adelbode. U mit
Adelbode isch das ja sone Sach. Me cha genau einisch fautsch
abbiege, u mir heis scho wider gschafft… Üs längt nidmau e 50/50
Chance…. Autsch:-)
Aber item, mir si emu glich no pünktlech bir Taverne acho. Uslade,
ufsteue, wermi tanke, soundchecke – das isch när öpe z`programm
gsi für die nächschte 2-3 Stung. U für aui die, wo scho mau ir Tavärne
gsi si isch klar, das geit dert beschtens. Wüu ig ha ja no nie e
gmüetlechere Club gseh, aus d`Taverne.
Nachem Soundcheck heimer grad diräkt ir Taverne (mir hei auso nüm
ad cheuti müesse:-) ) chönne znacht ässe. Fein isches gsiiiiiiii……
mhhhhhh.
När hei mers üs no ir Garderobe chli gmüetlech gmacht, bevors isch
los gange – mitem längschte Set, wo mer jemaus gspiut hei. Knappi 2
Stung…
U chum simer uf dr Bühni gsi, isches oscho losgange mit de typische
Schibä-missgschick… zersch mau dr fautsch gitarrischt vorsteue bim
Solo, när hurti im verbi ga d`Lippe am Mik ufschlah, u wie das no nid
gnue wär, ds mik ono kabutt mache… tja, isch no speziell gsi..:-) aber
je länger me spiut, desto grösser isch d`Chance das öpis dooooooofs
passiert. Zum glück sis aber genau die Sache, wo e Tour so spassig u
unvergässlech mache…:-)
Nach zimlech asträngende 2 Stung simer när ume ir Garderobe
verschwunde, u hei üs afang mau bimne chüele Bie….Glas Wasser
chli erholt:-)
När ume die glichi zerremonie wie bim häre cho, eifach umgekehrt u
ohni Soundcheck:-) Bevor mer üs när wider hei ufe Heiwäg gmacht –
Quasi ire Schlitte-Partie….
Fazit: Rutschig, Schneebedeckt u chaut, aber so isch dr Winder ds
Adelbode halt…oder so ähnlech…:-)
